نبتدي بتعريف الدوبامين
هو هرمون موجود بشكل طبيعي في جسم الإنسان المسئول عن الشعور بالسعادة وبيعتبر ناقل عصبي بمعني أنه بيرسل إشارات بين الجسم والمخ.
والمخ فيه خاصيه اسمها نظام المكافئة
والنظام ده باختصار ان المخ بيكافئك لما تعمل حاجه بتحبها حرفيا
اما بتعمل حاجه بتحبها النظام ده بيشتغل تلقائي ويبدء المخ في افراز الدوبامين ويبدء الجزء المسئول عن الذكريات في المخ بربط و تخزين المتعه والسعاده اللي حصلت بسبب افراز الدوبامين بالحاجه اللي عملتها اللي بتحبها
يعني المخ بيربط الفعل اللي بتحبه بالاحساس بالمتعه.
فلو مثلا بتشرب قهوة وانت بتحب القهوه فالمخ بيفرز الدوبامين والذكريات بيسجل ان شرب القهوه ممتع فكل ما تشرب القهوة هتشعر بالاستمتاع .
((( ومن هنا يحصل الادمان لاي شيء )))
ازاي تستغل الكلام ده وتوصل للادمان المفيد ؟
انك تتغلب علي نفسك و تحاول تستمتع وتقنع نفسك بشيء ما مفيد فبالتالي المخ هيسجل انك بتحب الشيء ده وبالتالي هيفرز الدوبامين واللي يخليك تستمتع بشكل تلقائي في كل مره بتعمل الشيء ده وبالتالي هتدمنه ويسحب اهتمامك باي حاجه تانيه وهيكون الشيء المفيد ده هو الملاذ ليك لتحسين مودك .
يعني تحاول تستمتع بحاجات زي مثلا القراءه او الرياضه او تعلم حاجات جديده او تحاول تستمتع بالمواقع والصفحات والجروبات المفيده علي شبكات التواصل الاجتماعي والفيديوهات المفيده وهكذا لحد ما الحاجات ديه تبقي ادمان عندك وبالتالي هتبقي مصدر سعاده ليك وهيبقي عندك اهتمام اكتر بيها وهتستفاد بشكل كبير
ودايما النجاح في اي شيء لازم يكون مرتبط بالاستمتاع فمثلا شغلك لو عرفت توصل نفسك وتقنع نفسك انك بتستمتع بيه وانك بتحبه فيتخزن في مخك ان الشغل ممتع بالنسبالك فكل ما تشتغل يتفرز الدوبامين فتشعر بالمتعه والسعاده وبالتالي تتميز في شغلك وتنجح فيه اكتر وكل ما كان افراز الدوبامين بقي اكتر فالمتعه بيه اكتر وهيبقيح الشغل ادمان وحسب درجة الادمان يكون المستوي اللي هتوصله من نجاح.
وطبعا تقدر تطبق الكلام ده في اي شيء في الحياة