برامج متاحه للجميع ومجانيه تخليك تقول اللي مقلتهوش و تعمل اللي معملتهوش وهتسبب مشاكل كتيرة جدا الفتره القادمه لانك مش هتعرف تميز الفيديو المزيف من الحقيقي
البرامج ديه بتحتاج مجموعه من الفيديوهات والصور للشخص المستهدف انتحال شخصيته والبرنامج بيقدر يحلل طريقه الكلام وتعبيرات الوجه و الجسم وبكده يقدر البرنامج يقلد الشخصيه بنسبه ١٠٠٪ يعني تخلي اي حد يعمل اللي انت عايزه ويقول اللي انت عايزه في فيديو استحاله تصدق انه مفبرك
وفيه كمان تقنيه الديب فويس اللي تقدر من خلالها تتكلم بس بصوت شخص اخر
فعن طريق الذكاء الاصطناعي قدرو يتوصلو لتقليد صوت الشخص بشكل متطابق تماما
فيدخلو علي البرنامج الكلمات والجمل اللي عايزينها تتقال والبرنامج يطلع الكلام والجمل ديه بصوت الشخص المحدد