هنتكلم بالعاميه عشان نوصل المعلومه بطريقه سهله
بعد 2011 الناس بمختلف اعمرها عملو اكونتات علي الفيس كتير جدا كفضول ليعرفو ايه الفيس اللي عمل ثوره ده ودهطبعا احد الأسباب مش كلها . المهم ان التليفونات الذكيه انتشرت جدا والصيني منها غرق السوق و بتكلفة بسيطه تقدريبقي عندك تليفون و باقه انترنت .
المشكله بقي ان التكنولوجيا ديه سلاح ذو حدين فيأما نستخدمها صح ونستفاد منها يأما تبقي مصيبه وكوارث عليناوبذات ان التكنولوجيا في أيد اللي مش فاهما مصيبه
يعني مثلا مثلا في حد يعمل اكونت علي الفيس ويبدأ يروج لسلع ويكسب زي بنات وسيدات بيبيعو هدوم واكسسوارللناس من صفحه علي الفيس وبكده يبقي هي استخدمت التكنولوجيا وسخرتها لخدمتها وكسبت من غير مجهود كبيرولا محل ولا ضرائب وتلاقي مثلا عيل مثلا عمل اكونت علي انه بنت ويقعد يشتغل الناس ولا عيل ساب خطيبته قاممشير صورها وفضحها وبلاوي كتير بالمنظر ده
كله ده سببه ان مواقع التواصل ظهرت فجأة وسهله الحصول عليها للجميع واحنا معندناش الثقافه للتعامل معاها وتوعيه باستخداماتها الصح
المهم نرجع بقي للعنوان
1. لازم تبقي عارف ان الفيس احد اسلحه العصر ده
وفيه الناس الفيس هو مصدر رزقها وشغلها الشاغل
لازم تعرف حاجه ان فيه حاجه اسمها لجان اللكترونيه يعني بالبلدي كده كام عيل عامل كذا اكونت بأسماء وهميه يجومثلا الريس بتاعهم ينشر خبر او اشاعه يقومو داخلين عاملين تعليقات مسانده للبوست وكمان يهجمو اللي يعارضالبوست تقوم حضرتك وانت بتقرا البوست وتشوف التعليقات تصدق وتقول ياه ناس كتير مأكده الموضوع تقوم انتمصدق يا معلم لان الاشاعه بتبقي جزء منها صح والباقي تحوير وبيحاولو يحبكوها بصوره ملعوب فيها بفوتوشوباو الخبر منشور علي صفحه شبه مثلا صفحه اليوم السابع وحطين نفس الصوره تقوم انت تتخيل انه اليوم السابعوالخبر اكيد
2. متكسلش وتقرا عنوان الخبر و تشوف التعليقات وبس ليه بقي لأنك لو دخلت وقريت الموضوع الأصلي هتلاقيهمختلف عن العنوان واللي دايما اللي بيكتبه بيحاول يعمل اثاره في الموضوع او مثلا يقطع فيديو لحد معين وياخد كلاممعين فأنت لو شوفت الفيديو هتلاقي كلام غير لو شوفت الفيديو كامل فمتحكمش علي حاجه من العنوان بس واقراالخبر ودور عليه كمان في مواقع تانيه عشان تتاكد منه وتاخد الرأي والقرار الصح وشوف الفيديو كامل مثلا احد شويخقطعو له فيديو بيقول فيه الحشيش طاهر فأنت تشوف الفيديو المقطوع ده تلاقي الشيخ بيقول كده فعلاوتصدق بس لوكلفت نفسك عشان تحكم علي الراجل صح شوف الحلقه كامله هتلاقي الموضوع مختلف تماما وفيه امثله كتير والمشكلهبجد اننا بنكسل اننا نتحقق من الخبر
3. بص بقي قولا واحدا اَي بوست عليه خبر ورابط تدوس عليه يخرجك من الفيس ويوديك صفحه تانيه دا كده اكنكبتسمح للي عمله انه يا خد كل بياناتك من التليفون فتعمل تراجع بسرعه
4. كل البوستات اللي تقولك شوف انت شبه مين من المشاهير ولا شوف شكلك اما تكبر او اعرف مين اكتر صديق او كلالكلام ده ديه مواقع بتاخد كل المعلومات عنك
5. عايز تعرف الاخبار صح نزل التطبيق بتاع الجريدة اللي بتابعها يعني مثلا اليوم السابع هتلاقي تطبيق ليه نزلهعلي التليفون او المصري اليوم او الأهرام او الاخبار او روسيا اليوم او العربيه او سكاي نيوز او او فكل جريده محترمهاو موقع اخباري محترم بيبقي ليه تطبيق بينزل علي التليفون
6. اما تقرا خبر علي الفيس اقرأه عادي ومتكونش رأي بناءا عليه واستني شويه وشوف مين اللي ناشر الخبر هل هوجهه رسميه وموقع محترم ولا حد عادي اللي نشره وشوف مصدر الكلام دا ايه وفيه فيديو كامل للكلام ده ولا لا وشوفالخبر منشور علي موقع واحد ولا علي مواقع وصفحات كتير
7. كل خبر يقولك أكد مصدر مسئول أكد مش عارف مين دا كله بلح الخبر الصحيح بيبقي واضح جدا من مصدره اماالخبر الكاذب بيبقي فيه تحايل في تحديد المصدر
8. لازم تعرف ان الاشاعه علم بيتم استخدمها لاهداف معينه وعشان ينشرها ليها شروط معينه زي مثلا يكون فيها جانبمن الحقيقه او ان توقيت نشرها مناسب وتتصدق فيه فمتبقاش انت اداه الناس ديه تستغلها لمصلحتها
9. الفيس بوك مش موقع اخباري الفيس موقع تواصل اجتماعي متخدش منه اخبار خالص
10. مفيش اسهل من عمل صوره لأي حد وكتابه اَي خبر عليها.