العقل بيستقبل اكتر من ١١ مليون معلومه في الثانيه الواحده وعشان يحصل تنظيم للكم الهائل ده فالعقل بيمتلك خاصيه الانتباه الاختياري
ودية معناها ان بالرغم من الكم الكبير من المعلومات اللي ممكن تدخل المخ في نفس الوقت الا ان العقل عنده القدره انه ينتبه المعلومه الل محتاجها بس ويفهمها
زي مثلا اما يبقي قدامك عشر افراد بيتكلمو بصوت عالي فالعقل ينتبه لواحد بس اللي انت مركز معاه و ويتجاهل الباقيين نهائي
كل البشر عندهم موضوع الانتباه الاختياري وبيشتغل تلقائي ومبيشتغلش في حاله ان قابلت واحد فاهم الموضوع ده وقرر انه يعطلك الخاصيه ديه بطريقه فن الخداع او قواعد علم النفس التجريبي
عقول البشر فيها ثغرات معينه واي حد عارفها يقدر يخدعك بيها بسهوله وممكن يخليكي تشوف حاجه واللي جنبك يشوف حاجه تانيه تماما
اهم حاجه في استغلال الثغرات ديه لازم التاثير علي العين و الانتباه والتركيز لانهم اللي بيشكلو الفهم اللي بيدخل العقل بمعني
بالنسبه لخداع العين واستغلال ثغرات العقل فمثلا انتشرت علي صفحات التواصل قبل كده صور اما تبصلها تحس انها بتتحرك مع انها ثابته او صوره تشوف فيها شكل وحد تاني يشوف شكل تاني في نفس الصور فالصور ديه معموله بتقنيه اسمها الخداع البصري
عمليه الرؤيه بتم ان الضوء بيبقي علي شيء ماء وبينعكس للعين والعين تبعت اشاره للمخ يترجمها فتشوف الشيء ده وبكده فعملية الرؤيه بياثر فيها كميه الضوء اللي داخله للعين والاشاره اللي بتبعتها العين للعقل
احيانا بيحصل خلل في كميه الضوء اللي داخله للعين او الاشاره اللي بعتتها العين للعقل
العقل في حاله وصول كميه غير كافيه من الضوء والاشاره ليه او حصل خلل فيهم فبيحاول يعالج ده ويكمل النقص من عنده و يختار التفسير الابسط للشيء اللي شايفاه العين وهنا بيختار التفسير الابسط مش الصحيح
يعني مثلا ممكن اتنين يشوفو نفس الحاجه بس يختلفو مثلا في الالوان
فيه علماء علم نفس متخصصين في الخداع البصري وهو موضوع مهم جدا واستخدم تصاميمه قبل كده في الحروب مثلا علي السفن الحربيه واللي كان بيربك العدو ومبيعرفش يحدد السرعه والاتجاه بشكل صحيح
وبالنسبه لخداع الانتباه والتركيز فده عن طريق خاصيه الانتباه الاختياري اللي اتكلمنا عنها فلو حد قدر يخليك تنتبه لحاجه معينه هو عايزك تركز عليها يقدر يعمل اي حاجه تانيه في نفس الوقت وعقلك ميقدرش ينتبه ليها
وبتستخدم اساليب في علم النفس للخداع الانتباه والتركيز زي المحاكاه والتظاهر او الاجبار او التضليل او الانتباه المشترك
يعني يتظاهر انه بيعمل حاجه معينه فتركز فيها عشان يعمل اللي هو عايزه او يجبرك علي التركيز في حاجه عشان يقدر ينفذ خدعته
